2023-cü il iyunun 8-də İngilis dili və ədəbiyyatı departamentinin təşkilatçılığı ilə Təbiət elmləri və mühəndislik fakültəsinin Mexanika mühəndisliyi, Kompüter mühəndisliyi, Kompüter elmləri, Elektronika və radiotexnika mühəndisliyi və Neft-qaz mühəndisliyi ixtisaslarının tələbələri tərəfindən "Shattered Palattes" adlı tamaşa təqdim edildi.

Tamaşa Xəzər Universitetinin Mərkəz kampusundakı Fikrət Əmirov Konfrans-Konsert Mərkəzində baş tutdu. Tamaşanın ssenari müəllifləri Təbiət elmləri və mühəndislik fakültəsinin tələbələri Hüseyn Moylayev, Kərim Nəcəfli və Tural Abdullayev idi. Tədbirin şüari: "Uşaqların gələcəyi ilə oynamayın!" idi. Tədbir xeyriyyə məqsədi daşıyırdı. Belə ki, tədbirdən əldə olunmuş vəsait uşaq evlərinə yardım kimi təqdim olunacaq.