Xəzər Universitetinin Beynəlxalq əlaqələr üzrə prorektoru və Asiya-Sakit Okean və Afrika Tədqiqatları İnstitutunun/IAPAS-ın direktoru Vlad Vernigora yenicə Kiqali/UNILAK (Ruanda) Lay Adventistlər Universitetində hüquq üzrə qonaq professor vəzifəsinə təyin edilib.
UNILAK-ın vitse-kansleri professor Jean Ngamije tərəfindən imzalanmış 6 iyun 2023-cü il tarixli rəsmi məktubda bildirilir ki, qonaq professorluq “tanınmış akademik və peşəkar mövqeyə malik görkəmli şəxslərə verilir”.
Bu təyinat həm Xəzər Universiteti, həm IAPAS, həm də əməkdaşlığa cəlb olunmuş bütün tərəflər üçün Afrika və Asiya-Sakit Okean ölkələri ilə sıx əlaqədə olmaq baxımından əlamətdar addımdır.
Bu kontekstdə Xəzər Universiteti və UNILAK geniş coğrafi əhatəyə, tədqiqat mükəmməlliyinə, hər yerdə dayanıqlı inkişafa diqqət yetirməyin, qarşılıqlı hörmət və akademik etikaya, ünsiyyətdə pozitivliyə riayət etməyin və ortaq rolun dərk edilməsinin vacibliyini vurğulamaq istəyirlər.
Prorektor Vernigora`nın yüksək səviyyəli təyinatı 2023-cü ilin iyunundan 2026-cı ilin dekabrına qədər olan dövr üçün nəzərdə tutulub.