2023-cü il mayın 30-da “Ay işığı” restoranında "Number One Production"ın təşkilatçılığı (rəhbəri Rəvan Zeynalov), F-“Holding MMC” şirkətinin baş sponsorluğu, “Milan Hospital”ın xüsusi sponsorluğu ilə şəhid, qazi və aztəminatlı ailələrdən olan, həmçinin fiziki məhdudiyyətli 50 uşağın kiçik toyu təşkil olunub.

Tədbirdə şəhid ailələri, qazilər, millət vəkilləri, iş adamları, incəsənət ustaları və digərləri iştirak ediblər.

Tədbirdə Xəzər Universitetinin İqtisadiyyat və menecment fakültəsinin 3-cü kurs tələbəsi, “Əbədi Birlik” Gənclər İctimai Birliyinin təsisçisi və sədri, baş iqamətgahı Pakistanda yerləşən Beynəlxalq Qlobal Sülh Zənciri (Global Peace Chain) təşkilatının Qlobal sülh səfiri Şahin Əliyev "Number One Production"ın “Patriots Awards” (“Vətənpərvərlik mükafatı”) mükafatına layiq görülüb. Bu mükafat şəhid və qazilərin, aztəminatlı ailələrin 50 uşağının kiçik toyuna vəsilə olan şəxslərə təqdim edilir.