2023-cü il aprelin 24-26-da İsveçdə “Müharibə dövründə və ondan sonra onlayn dərs keçmək üçün təlim” (U-Train) birgə layihəsinin açılış görüşü keçirilmişdir.

Layihə Stokholm Universiteti, Xəzər Universiteti, İvan Franko adına Lvov Milli Universiteti və Ukraynanın distant təhsil sistemindən ibarət konsorsium əsasında hazırlanıb.

Təşəbbüs Ukrayna ali təhsil müəssisələrinin müəllimlərini müharibə zamanı və sonrasında onlayn kursların hazırlanması və aparılması ehtiyaclarını nəzərə alan xüsusi bir təlim yolu ilə dəstəkləməyə yönəlmişdir.

Görüşün Stokholm Universiteti tərəfindən təşkil edilən bir neçə mobil tədbirlə eyni vaxta düşməsi və layihə ilə bağlı müzakirələrin Aberdin Universiteti, Portsmut Universiteti və Altınbaş Universiteti nümayəndələrinin də iştirakı ilə aparılması səmərəli olmuşdur.

Xəzər Universitetini layihənin ilkin tədbirinin bütün sessiyalarında iştirak edən Beynəlxalq əlaqələr üzrə prorektor Vlad Vernygora təmsil etmişdir.