2023-cü il aprelin 30-da Türkiyənin İstanbul şəhərində Caspian Energe Club-ın III Beynəlxalq Forumu keçirildi. Forumu giriş sözü ilə Caspian Energy Club-ın sədri və klubun baş icraçı direktoru, Caspian Energy İnvestment Forumun Təşkilat Komitəsinin sədri Telman Əliyev açdı.

Açılış mərasimində Türkiyə-Azərbaycan Parlamentlərarası Dostluq Qrupunun rəhbəri, TBMM-nin millət vəkili Şamil Ayrım, Azərbaycan Respublikasının Türkiyə Respublikasındakı Fövqəladə və Səlahiyyətli səfiri Rəşad Məmmədov, Türkiyə Respublikasının Azərbaycan Respublikasındakı Fövqəladə və Səlahiyyətli Səfiri Cahit Bağcı, Türkiyə-Azərbaycan İş Şurasının Sədri, DEİK-in (Dış Ekonomik İlişkiler Kurulu) Başqanı Kemal Koloğlu, Caspian Energy Türkiyə Şurasının Sədri Süleyman Məcidli və digərləri çıxış etdilər.

DEİK və Caspian Energy Club Azərbaycan arasında tərəfdaşlıq memorandumu imzalandı. Rəsmi açılış mərasimindən sonra müxtəlif panellərdə energetika sahəsində birgə layihələrin inkişafı, alternativ və bərpa olunan enerjinin istifadəsi, yaşıl enerji, perspektivlər, regionda mövcud olan layihələr, enerji səmərəliliyi, rəqəmsal transformasiya və digər mövzularda müzakirələr aparıldı. Forumda Azərbaycandan və Türkiyədən 200-dən artıq şirkət, dövlər qurumlarının və qeyri-hökümət təşkilatlarının nümayəndələri iştirak etdilər.

Forumda Xəzər Universitetinin İctimai Əlaqələr və Media üzrə direktoru Əlövsət Əmirbəyli iştirak etdi.