2023-cü il aprelin 24-28-də Xəzər Universitetinin əməkdaşları - Təbiət elmləri, sənət və texnologiya yüksək təhsil fakültəsinin elmi işlər üzrə dekan müavini Günel Bahəddinova və Humanitar, təhsil və sosial elmlər fakültəsinin dekan müavini Aygün Verdiyeva Erasmus+ İşçi heyətinin mübadiləsi proqramı (KA107171) çərçivəsində Kütahya Dumlupınar Universitetinin (Türkiyə) təşkil etdiyi Beynəlxalq İşçi Həftəsi adlı tədbirdə iştirak ediblər. Tədbirə 12 ölkədən 70-ə yaxın universitet əməkdaşları qatılıblar.

Tədbirin proqramına əsasən beynəlmiləlləşmə və mobillik, beynəlxalq layihəni necə idarə etmək və dəstəkləmək, beynəlxalq şəbəkələr və strategiyanın əhəmiyyəti mövzularında universitet əməkdaşları tərəfindən tədqim edilən məruzələr dinlənildi.

Beynəlxalq İşçi Həftəsində təlimlər, seminarlar, eyni zamanda mədəni tədbirlər keçirildi. Müxtəlif universitet əməkdalarının təqdimatları dinlənildikdən sonra Xəzər Universiteti əməkdaşlarının Dumlupınar Universiteti Beynəlxlaq əlaqələr şöbəsinin müdiri Dr. Yunus Şişman ilə görüşü keçirildi. Görüşdə universitetlər arasında əlaqələrin gücləndirilməsi, yeni layihələrdə birgə fəaliyyətin təşkili ilə bağlı müzakirələr aparıldı. Eyni zamanda, səfər çərçivəsində Kütahya şəhərində “Sıtkı Olçar Çini muzeyi”nə, “Mədəniyyət və sənət evi”nə, “Kütahya kənt tarixi müzeyi”nə, “Aizanoi” qədim yunan kəndinə səfərlər təşkil olundu.

Tədbirin sonunda hər bir iştirakçı Kütahya Dumlupınar Universitetinin rektoru tərəfindən sertifikat ilə təltif edildi.