2023-cü il aprelin 24-28-də Yunanıstanın Afina şəhərində yerləşən West Attica Universitetinin professorları Karellas Georgios və Carmen Medrea Erasmus+ İşçi Heyətinin Mübadilə Proqramı (Erasmus+ KA107171) çərçivəsində Xəzər Universitetinin Coğrafiya və ətraf mühit departamenti və Beynəlxalq əlaqələr ofisi tərəfindən qəbul edildi.

Proqrama uyğun olaraq universitetin Kitabxana İnformasiya Mərkəzinin direktor müavini Aytac Misgərli qonaqları mərkəzin fəaliyyəti ilə tanış etdi. Beynəlxalq əlaqələr ofisinin koordinatorları Fatimə Vəliyeva və Turan Əlizadə onlara Nailəxanım Mədəniyyət Mərkəzində görkəmli pedaqoq Nailəxanım İsayevanın həyat və fəaliyyətini əks etdirən eksponatlar haqqında ətraflı məlumat verdi. Sonra qonaqlar universitetin mühazirə zalları və laboratoriyaların fəaliyyəti ilə tanış oldular.

Qonaqlar Coğrafiya və ətraf mühit departamentində olmuş, departament rəhbəri Rövşən Abbasov deapartamentin fəaliyyət istiqamətləri haqqında məlumat vermiş və əməkdaşlıq istiqamətində danışıqlar aparmışdır. Beynəlxalq əlaqələr ofisi ilə də tanış olan nümayəndə heyətinə ofisin koordinatorları ofia və onun fəaliyyəti haqqında məlumat verdilər.

Proqramın sonunda nümayəndə heyətinə sertifikat və hədiyyə təqdim edildi.