2023-cü il aprelin 14-də Elm həftəsi çərçivəsində Əl-Fərabi adına Qazax Milli Universitetinin dəstəyi ilə Türk Dünyası Milli Elmlər Akademiyaları İttifaqının Baş Assambleyasının VI iclası keçirilib. Görüşdə Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı, Qazaxıstan Respublikasının elm və ali təhsil naziri Sayasat Nurbek, Beynəlxalq Türk Akademiyasının prezidenti Şahin Mustafayev, Azərbaycan Milli Elmlər Akademiyasının prezidenti İsa Həbibbəyli, AMEA-nın vitse-prezidenti İbrahim Quliyev və başqaları iştirak ediblər.

Görüş iştirakçıları türk dünyasında elmi əməkdaşlığın inkişaf etdirilməsi yollarını nəzərdən keçirib, fikir mübadiləsi aparıblar.

Tədbirdən sonra Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı Əl-Fərabi adına Qazax Milli Universitetinin rektoru, İdarə Heyətinin sədri Janseit Tuymebayev ilə elmi əməkdaşlıq memorandumu imzalayıb.

Memorandumun məqsədi universitetlər arasındakı əlaqələri inkişaf etdirmək, birgə elmi tədqiqatlar aparmaq və elmi kadrların bacarıqlarını artırmaqdır.

Memorandum çərçivəsində tərəflər kitabxana və elmi fondlardan birgə istifadə edəcək, elmi tədqiqat materialları və nəşrlərin mübadiləsini aparacaq, birgə seminar və konfranslar təşkil edəcək, elmi və akademik layihələr həyata keçirəcəklər.

Tədbirdə, həmçinin, Xəzər Universiteti ilə Qazax-Britaniya Texniki Universiteti arasında da əməkdaşlıq, maariflənmə, elmi tədqiqat işləri yönündə addımlar atılacağına dair razılaşma imzalanmışdır.

https://dknews.kz/en/articles-in-english/283132-vi-meeting-of-the-presidium-of-the-union-of-national 

https://www.tuba.gov.tr/tr/haberler/akademiden-haberler/baskan-seker-tdubab-6.-genel-kurul-toplantisina-katildi 

https://academy.uz/uz/news/turkiy-xalqlar-ilmiy-birdamlik-yolida 

https://newsmedia.az/almatida-turk-dunyasi-milli-elml%c9%99r-akademiyalari-ittifaqinin-bas-assambleyasinin-vi-iclasi-kecirilib/