2023-cü il martın 13-15-də Türkiyənin İstanbul şəhərində Mərmərə Qrupu Vəqfinin təşkilatçılığı ilə 26-cı Avrasya İqtisadi Zirvə Toplantısı keçirildi. Toplantıda dünyanın 44 ölkəsindən 3 dövlət başçısı, 16 sabiq president olmaqla 800-dən artıq nümayəndə iştirak edirdi. Xəzər Universitetinin İctimai əlaqələr və media üzrə direktoru Əlövsət Əmirbəyli də tədbirə dəvət olunmuşdu.

Toplantını giriş söz ilə Mərmərə Grupu Vəqfinin başqanı Akkan Suver açaraq, dövlət başçılarını və bütün qonaqları salamladı. Türkiyə Böyük Millət Məclisinin millət vəkili Şamil Ayrım Türkiyə Prezidenti Rəcəb Tayyib Ərdoğanın və Azərbaycan Respublikasının Energetika naziri Pərviz Şahbazov isə Azərbaycan Prezidenti İlham Əliyevin toplantı iştirakçılarına ünvanlanmış məktublarını oxudular.

Tədbirin 1-ci günü türk tarixçi alim İlber Ortaylı, Makedoniyanın sabiq prezidenti George İvanov, KKTC-nin prezidenti Ersin Tatar, millət vəkili Nizami Cəfərov, energetika Naziri Pərviz Şahbazov, millət vəkili Valeh Ələsgərov, Moldovanın sabiq prezidenti Petru Luçinski, Türkiyənin sabiq xarici işlər n aziri Hikmet Çetin, Moldovanın sabiq başnaziri Kril Gaburici, Ukrayna millət vəkili Anna Purtova, ABŞ Dünya Sülh və Sevgi Federasiyasının prezidenti Artur Hsieh və digər məruzəçilər çıxış etdilər.

Zirvə toplanrısının 2-ci günü keçirilən ilk iclasında dünyanın 10 ölkəsindən 20-dən artıq dövlət, bələdiyyə, qeyri-hökümət təşkilatlarının nümayəndələri və din xadimlərinin müxtəlif mövzularda məruzələri dinlənildi. Xəzər Universitetinin İctimai əlaqələr və media üzrə direktoru Ə. Əmirbəyli həmin iclasın katibliyinə seçilmişdir.

Zirvə toplantısının son günündə sabiq prezidentlər Abdullah Gül (Türkiyə), Marina Çavara, Mladen İvanic (Bosna-Hersek), Emil Konstantinescu (Rumınya), George İvanov (Makedonya), İvo Josipovic, Stjepan Mesic (Xorvatiya), Vaclav Klaus (Çexiya), Petru Luçinski (Moldova), Moncef Marzouki (Tunis), Nambar Enkhbayar (Monqolistan), Fatmir Sejdiu (Kosova), Bamir Topi (Arnavutluk), İrina Vlah (Gagauziya), Filip Vujanovic (Karadağ) çıxış edərək, son zamanlar dünyada yaranmış vəziyyətlə bağlı ölkələrinin mövqelərini bildirdilər.

Zizrvə toplantısının sonunda xatirə şəkilləri çəkildi. Sabiq prezident Abdullah Gül tərəfindən xarici ölkə rəhbərlərinin və qonaqların şərəfinə ziyafət verildi.