AZƏRBAYCAN RESPUBLİKASI ELM VƏ TƏHSİL NAZİRLİYİ

UNEC AZƏRBAYCAN DÖVLƏT İQTİSAD UNİVERSİTETİ

Xəzər Universitetinin təsisçisi,
Direktorlar və Qəyyumlar Şurasının sədri,
professor Hamlet İsaxanlıya

Hörmətli Hamlet müəllim,

Sizi 75 illik yubileyiniz münasibətilə öz adımdan və Azərbaycan Dövlət İqtisad Universiteti (UNEC) adından təbrik edirəm!

Siz uzun illərdir ki, ölkəmizin ictimai həyatında fəal iştirak edir, Azərbaycanda ilk özəl universitetin qurucusu olaraq, təhsilimizin inkişafında müstəsna xidmətlər göstərirsiniz. Sizin görkəmli elm xadimi, tanınmış pedaqoq və nümunəvi ziyalı kimi həyat yolunuz hər bir azərbaycanlı üçün örnəkdir. Rəhbərlik etdiyiniz Xəzər Universitetinin iqtisadi və sosial sahələr üzrə yüksək ixtisaslı kadr hazırlığı istiqamətində Azərbaycan təhsil məkanında özünəməxsus yeri vardır.

Əminəm ki, hələ uzun illər elm və təhsilin inkişafına töhfələrinizi qazandıracaqsınız. Sizə bu şərəfli və nəcib fəaliyyətinizdə uğurlar diləyirəm. Yubileyiniz münasibətilə Sizi bir daha təbrik edirəm, uzun ömür, möhkəm cansağlığı və xoş günlər arzulayıram!

Hörmətlə,
prof. Ədalət Muradov
Rektor