2023-cü il martın 1-də Xəzər Universitetində professor, akademik Hamlet İsaxanlının yubileyi qeyd olundu. Universitetin rəhbərliyi, fakültə dekanları, departament müdirləri və əməkdaşların iştirak etdiyi tədbiri universitetin rektoru dosent İradə Xəlilova açaraq, yubilyarı universitet kolllektivi adından təbrik etdi, ona çoxşaxəli elmi və ədəbi fəaliyyətində uğurlar arzuladı, hədiyyə təqdim etdi.

İngilis dili və ədəbiyyatı departamentinin baş müəllimi Firəngiz Nəsirova çıxışında yubilyara həsr etdiyi ingilis dilindəki şeirindən bir parça söyləyərək, H.İsaxanlını qurucu, yaradıcı şəxsiyyət kimi tərənnüm etdiyini nəzərə şatdırdı.

H.İsaxanlı yubiley tortunu kəsəndən sonra kollektivə müraciət etdi. Xəzər Universitetinin və “Dünya” məktəbinin timsalında səmimi, yekdil, güclü bir ailənin formalaşdığını söylədu və bu ailənin gələcək uğurlarına da əmin olduğunu və kollektivə təşəkkürünü bildirdi.