2023-cü il fevralın 13-17-də Türkiyənin Kütahya şəhərində yerləşən Dumlupinar Universitetinin müəllimi və Beynəlxalq əlaqələr ofisinin əməkdaşı Elmas Dönmez, İqtisadiyyat və menecment fakültəsinin dekan müavini Doç. Dr. Eray Acar və Təhsil fakültəsinin müəllimi Osman Açar`dan ibarət nümayəndə heyəti Erasmus+ İşçi Heyətinin Mobilliyi Mübadilə Proqramı (Erasmus+ KA107171) çərçivəsində Xəzər Universitetinin Humanitar, təhsil və sosial elmlər fakültəsi, İqtisadiyyat və menecment fakültəsi və Beynəlxalq əlaqələr ofisi tərəfindən qəbul edildi.
Proqramın ilk günü Beynəlxalq əlaqələr üzrə prorektor Vlad Vernygora, İctimai əlaqələr və media üzrə direktor Əlövsət Əmirbəyli, İqtisadiyyat və menecment fakültəsinin dekanı Ceyhun Məmmədov, Kitabxana İnformasiya Mərkəzinin (KİM) direktoru Tatyana Zaytseva, KİM-in direktor müavini Aytac Misgərli, Kimya mühəndisliyi departamentinin koordinatoru Rəsul Muradi, Beynəlxalq əlaqələr ofisinin koordinatorları Hüseyn Əliyev və Fatimə Vəliyevanın, həmçinin digər əməkdaşların iştirakı ilə türkiyəli professor-müəllim heyəti ilə tanışlıq görüşü keçirildi. Türkiyədə baş verən zəlzələ nəticəsində həlak olanların xatirəsi sükutla yad edildi. Görüşdə Vlad Vernygora Xəzər Universiteti haqqında geniş məlumat verdi. Dumlupinar Universitetinin nümayəndələri universitet haqqında videoçarx nümayiş etdilər.
Proqrama uyğun olaraq qonaqlar Universitetin Kitabxana İnformasiya Mərkəzinin direktor müavini Aytac Misgərli tərəfindən mərkəzin fəaliyyəti ilə tanış oldular. İctimai əlaqələr və media üzrə direktor Əlövsət Əmirbəyli qonaqlara Nailəxanım Mədəniyyət Mərkəzində Nailəxanım İsayevanın həyat və fəaliyyətini əks etdirən eksponatlar haqqında ətraflı məlumat verdi. Sonra Fizika və elektronika departamentinin müdiri Fəridə Tatardar qonaqları departament və Nanotexnologiya laboratoriyasının fəaliyyəti ilə tanış etdi
Proqramın ikinci günündə Beynəlxalq əlaqələr üzrə prorektor Vlad Vernygora tərəfindən “Ali təhsil müəssisələrində beynəlmiləlləşmə” mövzusunda vörkşop keçirilmişdir. İqtisadiyyat və menecment fakültəsində dekan Ceyhun Məmmədov fakültənin fəaliyyəti haqqında məlumat vermiş və iki universitet arasında departamentlərarası əməkdaşlıq istiqamətində danışıqlar aparmışdır.
Qonaqlar Humanitar, təhsil və sosial elmlər fakültəsində olmuş, dekan Elza Səmədova fakültənin fəaliyyət istiqamətləri haqqında məlumat vermiş və əməkdaşlıq istiqamətində danışıqlar aparmışdır. Beynəlxalq əlaqələr ofisi ilə də tanış olan nümayındə heyətinə ofisin koordinatorları ofis və onun fəaliyyəti haqqında məlumat vermişlər.
Fevralın 14-də qonaqlar şəhid leytenant Murad Nağıyevin Anım Gününə həsr olunmuş tədbirdə iştirak etdilər. Sonra “Şəhidlər Xiyabanı“, “Bakı Türk şəhidliyi“ni ziyarət etdilər, “Dağüstü Park“ və “Alov qüllələri“ ilə tanış oldular.
Səfərin son günü Dumlupinar Universitetinin nümayəndə heyəti Xəzər Universitetinin Siyasi Elmlər və fəlsəfə departamentinin Niderlandın Qroningen Universiteti ilə birgə təşkil etdiyi “Aİ-nin şərq tərəfdaşlığından Aİ-nin Mərkəzi Asiya siyasətinə: davamlılıq və dəyişiklik” adlı beynəlxalq konfransda iştirak etdilər. Sonra “Atəşgah məbədi” Dövlət Tarix-Memarlıq Qoruğunda ekskursiyada oldular.
Proqramın sonunda nümayəndə heyətinə sertifikat və hədiyyə təqdim edilmişdir.