2023-cü il yanvarın 10-da Bakı Biznes Universitetinin koordinatorluğu və Avropa Komissiyasının maliyyə dəstəyi ilə həyata keçirilən, Xəzər Universitetinin tərəfdaş olduğu “Azərbaycanda Rektorlar Konfransının yaradılması” (ECAR) adlı Erasmus+ layihəsi çərçivəsində Strateji inkişaf üzrə komitənin ilk iclası keçirilib.

Onlayn formatda baş tutan toplantıda ilkin olaraq tərəfdaşlar komitə üzvləri ilə tanış oldular. Həmçinin strateji inkişaf məsələləri üzrə müzakirələrin aparılması, komitənin funksiyaları, komitə sədrliyinə namizədliyə dair tələblər, idarə heyəti və sədrinin seçilməsi qaydaları iclas zamanı müzakirə olunan əsas mövzular olub. Müzakirələrin gedişində tərəfdaşların rəyləri dinlənilərək, müvafiq düzəlişlər edilib.

İclas zamanı 2 nəfərin namizədliyi idarə heyətinin sədri vəzifəsini tutmaq üçün irəli sürülüb.Sonda sədr və müavinləri seçilib.

Görüşdə Xəzər Universitetini İnkişaf Mərkəzinin rəhbəri Raziyə İsayeva təmsil edib.