2023-cü il yanvarın 17-18-də Xəzər Universiteti Həyat elmləri departamentinin Baytarlıq təbabəti üzrə koordinatoru b.ü.f.d. Ayaz Məmmədov Ukrayna Səhiyyə və Elm Nazirliyi, Ukrayna Milli Həyat və Ətraf Mühit Elmləri Universiteti Heyvandarlıq və su bioresursları fakültəsi və İsveç Kənd Təsərrüfatı Elmləri Universitetinin molekulyar elmlər şöbəsinin təşkil etdiyi “Davamlı heyvandarlıq və heyvanların rifahı” adlı beynəlxaq konfransda iştirak etdi.
İkigünlük konfransda A.Məmmədov “Fermerlərin və istehlakçıların heyvanların rifahına münasibəti: Azərbaycan təcrübəsi” mözvusunda hazırladığı məruzə ilə çıxış etdi. “Dayanıqlı İstehsal və İstehlak üçün Xoşbəxt Heyvanlar (HAnimSPAC)” layihəsi çərçivəsində Həyat elmləri departamenti tərəfindən fermerlərin və istehlakçıların heyvanların rifahına münasibəti ilə bağlı apardıqları sorğunun əsas məqamları konfrans iştirakçılarının diqqətinə çatdırdı.
Qeyd edək ki, beynəlxalq tədbirdə Ukrayna, İsveç, Polşa, Çexiya, Estoniya, Litva, Danimarka, Sloveniya, Şri-Lanka, Moldova, Qazaxıstan, Azərbaycan, Efiopiya və ABŞ-ın aparıcı alimləri, tədqiqatçıları, ali təhsil müəssisələrinin müəllimləri və doktorantları iştirak edib.