2022-ci il dekabrın 9-da Xəzər Universitetinin İngilis dili və ədəbiyyatı departamentində “Paragraph Writing” adlı yazı müsabiqəsi keçirildi. Yazı müsabiqəsində müxtəlif ixtisaslar üzrə bakalavr səviyyəsində təhsil alan 30 tələbə iştirak etdi. Yarışın iştirakçıları seçim mərhələsindən uğurla keçdikdən sonra son mərhələdə 350-400 sözdən ibarət yazı təqdim etdilər.

Öncədən müəyyən edilmiş qiymətləndirmə meyarlarına əsaslanaraq yazıların yoxlanılmasına məsuliyyət daşıyan münsiflər heyəti xarici və yerli mütəxəssislərdən ibarətdir. Müsabiqənin xarici mürəxəssisləri Malayziyanın Sarawak Universitetindən Həmzə Həsən və Qazaxıstanın Ablai Xan Beynəlxalq Münasibətlər və Dünya Dilləri Universitetindən Alyspysbayeva Sauletdir. Yerli mütəxəssislər isə Xəzər Universitetinin İngilis dili və ədəbiyyatı departamentindən Nailə Qasımova və Jalə Hüseynovadır.

Müsabiqənin nəticələri 2023-cü ilin yanvar ayında elan ediləcək.