2022-ci il noyabrın 29-da Fizika və elektronika departamentində “Gələcəyin enerji qaynağı: Litium və Azərbaycandakı litium minerallarının araşdırılması” mövzusunda elmi seminar keçirildi. Seminarda Elm və Təhsil Nazirliyi Fizika İnstitutunun əməkdaşı, fizika üzrə fəlsəfə doktoru Əhməd Asimov çıxış etdi. O, çıxışında alternativ enerji mənbələri kimi regenerativ - bərpa olunan enerjilərdən istifadənin ekoloji cəhətdən daha səmərəli olduğunu, onların mənbələrinin araşdırılması, onlardan istifadə edilməsi yolları, təbiətə təsirləri və s. kimi məsələlərin hazırkı dövrdə aktuallığını nəzərə çatdırdı. Digər tərəfdən, hal - hazırda enerji qaynağı kimi litium əsaslı batareyalardan da istifadə olunmasının vacibliyini qeyd etdi.
Seminarda Fizika və elektronika, Neft mühəndisliyi və Mexanika mühəndisliyi departamentlərinin müəllim və tələbələri iştirak etdilər və elmi müzakirə aparıldı.