Xəzər Universiteti Nəşriyyatında universitetin müəllimi, tarix üzrə fəlsəfə doktoru, dosent Roza Arazovanın “Орудия труда и хозяйство раннеземледельческого поселения Аликемектепе в свете трасологического изучения” (“Əliköməktəpə erkən əkinçilik yaşayış yerinin əmək alətləri və təsərrüfatı trasoloji tədqiqat əsasında”) adlı monoqrafiyası çapdan çıxmışdır.

Monoqrafiya Əliköməktəpə yaşayış məskəninin oturaq əkinçi-maldar əhalisinin əmək alətlərinin öyrənilməsinə və təsərrüfatının rekonstruksiyasına həsr olunub. Trasoloji metod və eksperimental təcrübələrlə əkinçilik və heyvandarlıqla bağlı çoxlu alətlər müəyyənləşdirilmişdir. Araşdırmada, həmçinin, ev sənətkarlığı: dəri işləmə, ağac və sümük işləmə, dulusçuluq, toxuculuq və sənətkarlıqda müxtəlif iş prosesləri bərpa edilmişdir.

Monoqrafiyada Azərbaycan və ingilis dillərində geniş xülasə və ədəbiyyat siyahısı verilmişdir.

Monoqrafiya arxeoloq və tarixçilər üçün nəzərdə tutulub.