2022-ci il noyabrın 21-24-də Türkiyənin Antalya şəhərində "ANKOSLink 2022" beynəlxalq konfransı keçirildi.

Dünyanın müxtəlif ölkələrindən 500-dən çox kitabxana-informasiya mütəxəssisinin qatıldığı beynəlxalq konfransda Xəzər Universitetinin Kitabxana İnformasiya Mərkəzinin (KİM) direktoru Tatyana Zaytseva, direktor müavini Aytac Misgərli və Azərbaycan Milli ISBN Agentliyinin koordinatoru Səbinə Əlimərdanova iştirak etdilər.

Konfransı giriş sözü ilə Anadolu Universitet Kitabxanaları Konsorsiumunun (ANKOS) rəhbəri İsmayıl Çetinkaya açaraq, tədbirin məqsəd və vəzifələrindən danışdı.

Panel iclaslarında elm və təhsil resursları, məlumat bazalarının idarə edilməsi, kitabxana sahəsində tətbiq olunan yeni texnologiyalar, informasiya əldə etməkdə davamlılıq, davamlı rəqəmsal mühafizələrdən bəhs olundu.

Panel arası fasilələrdə yerli və əcnəbi ölkələrin kitabxana və nəşriyyat nümayəndələri ilə körüşlər keçirildi.

Kitabxana işçiləri üçün çox faydalı olan konfrans Azərbaycan Kitabxana İnformasiya Konsorsiumunun rəhbəri Cəmilə Yusifovanın təqdimatı ilə yekunlaşdı.