2022-ci il noyabrın 22-də Zonguldak Bülent Ecevit Universiteti ilə Xəzər Universiteti arasında görüş keçirilmişdir.

Görüşdə Xəzər Universitetinin rektoru dosent İradə Xəlilova, Tədris işləri üzrə prorektor professor Məhəmməd Nuriyev, İctimai əlaqələr və media üzrə direktor Əlövsət Əmirbəyli, Keyfiyyətin Təminatı Mərkəzinin direktoru Lyudmila Sotova, Humanitar, təhsil və sosial elmlər fakültəsinin dekanı Elza Səmədova, İqtisadiyyat və biznes yüksək təhsil fakültəsinin dekanı İnqilab Əhmədov, İqtisadiyyat və menecment fakültəsinin dekanı Ceyhun Məmmədov, Təbiət elmləri və mühəndislik fakültəsinin dekanı Fəxrəndə Əfəndiyeva, Beynəlxalq əlaqələr ofisinin koordinatoru Fatimə Vəliyeva, Zonguldak Bülent Ecevit Universitetindən isə rektor Prof. İsmail Hakkı Özölçer, rektor yardımcısı Prof. Hakan Kutoğlu, Beynəlxalq Əlaqələr Ofisinin rəhbəri Murat İnce iştirak etmişlər.

Humanitar, təhsil və sosial elmlər fakültəsinin dekanı Elza Səmədova tərəfindən qonaqlara Xəzər Universiteti və fəaliyyəti haqqında geniş məlumat verilmişdir. Sonra Zonguldak Bülent Ecevit Universitetinin tanıtım çarxı izlənilmişdir.

Görüşdə ikitərəfli əlaqələrin möhkəmləndirilməsinə dair müqavilə imzalanmış və təhsil müəssisələri arasında tərəfdaşlıq və akademik əlaqələrin gücləndirilməsi istiqamətində müzakirələr aparılmışdır.

İmzalanma mərasiminin sonunda tərəflər arasında hədiyyə mübadiləsi olmuşdur.

Qeyd edək ki, Zonguldak Bülent Ecevit Universiteti Türkiyənin Zonguldak bölgəsində əsası 1992-ci ildə qoyulmuş dövlət universitetidir.