2022-ci il noyabrın 16-da Xəzər Universitetinin basketbol komandasının heyəti ilə görüş keçirildi. Universitetin təsisçisi, Direktorlar və Qəyyumlar Şurasının sədri professor, akademik Hamlet İsaxanlı görüşü açaraq, komandanın bu günə kimi qazandığı qələbələrin fərəhləndirici olduğunu və qarşıdakı görüşlərdə də qələbə əldə etmək üçün böyük stimul olacağına əminliyini bildirdi.

Baş məşqşi Anar Hacıyev komanda üzvlərini təqdim edərək, komanda haqqında, keçirilmiş oyunlar və bundan sonrakı əsas yarışlar haqqında geniş məlumat verdi. Universitetin rektoru İradə Xəlilova komanda üçün bu günə kimi görülən işlərdən danışdı. Sonra komanda üzvləri istək və arzularını bildirdilər.

Görüşdə Akademik işlər üzrə prorektor Məhəmməd Nuriyev, İdarəetmə və tələbə işləri üzrə prorektor İsaxan İsaxanlı, İctimai əlaqələr və media üzrə direktor Əlövsət Əmirbəyli, departament müdirləri və digərləri iştirak etdilər. Sonda xatirə şəkilləri çəkildi.