2022-ci il oktyabrın 10-da Xəzər Universitetinin Psixologiya departamentinin koordinatoru psixoloq Mələk Kərimova meydan.tv onlayn xəbərlər jurnalına “Erkən evlilik və onun fəsadları” ilə bağlı müsahibə vermişdir. O, uşaq yaşda evləndirilmənin uşaq hüquqlarının pozulması ilə bərabər həm də uşaqların psixi və fiziki inkişafına olan fəsadlarını qeyd edib. Müsahibədə uşağın dünyaya gəlişinin tərəflərin birgə qərarı olması ilə bağlı fikirlər qeyd edlimiş, xüsusilə kiçik yaşda evliliyə məcbur edilən yeniyetmələrin bu prosesə psixi və fiziki hazır olmadıqları, qorxduqları, valideynlik məsuliyyətini dərk etmədikləri də qeyd edilmişdir. Psixoloq erkən yaşda evləndirilməyə məcbur edilən yeniyetmələr arasında ölüm faizlərinin, psixi və fiziki sağlamlıqla bağlı problemlerin artdığını qeyd edərək, cəmiyyət olaraq buna qarşı həssas davranılmasının vacibliyinin üzərində dayanmışdır.

Müsahibəylə bağlı link aşağıda qeyd olunmuşdur:

https://www.instagram.com/reel/CkDuvrEIfo_/?igshid=YmMyMTA2M2Y=