2022-ci il oktyabrın 20-də tərəfdaş qismində Xəzər Universiteti, Bakı Biznes Universiteti və Naxçıvan Universitetinin də daxil olduğu Erasmus+ ECAR layihəsinin onlayn VI İdarəetmə toplantısı keçirildi.

Yoplantının gündəliyinə davam edən işlərin, yeni dəyişikliklərin və əvvəlki prosedurların nəticələrinin, həmçinin yayılma strategiyasının və cari maliyyə vəziyyətinin müzakirəsi daxil idi.

Layihənin koordinatoru Gülşən Bayramova (Bakı Biznes Universiteti) konfrans zamanı layihənin davam edən fəaliyyətləri və onların nəticələri, xüsusən də tərəfdaşlıq statusunda edilməli olan düzəlişlər barədə danışdı. Rəcəb Cəfərli (Naxçıvan Universiteti) layihənin planı, yayılma strategiyası və yayılma hesabatı ilə bağlı məsələlər ətrafında müzakirələr aparıb.

Layihənin koordinatoru Gülşən Bayramova toplantını layihənin riskləri və maliyyə vəziyyətini müzakirə edərək yekunlaşdırıb. Toplantıda Xəzər Universitetini Təbiət elmləri, sənət və texnologiya yüksək təhsil fakültəsinin dekanı Səidə Şərifova və İnkişaf ofisinin layihə rəhbəri Jalə Rzayeva təmsil ediblər.