2022-ci il sentyabrın 28-də Sputnik Azərbaycan xəbər portalında Zülfiyyə Quliyevanın “Xəzər yenidən dayazlaşır” adlı məqaləsi dərc olunmuşdur. Müəllif Ekologiya və Təbii Sərvətlər Nazirliyi, AMEA və Xəzər Universitetinin əməkdaşlarına bu barədə sorğu ilə müraciət etmişdir.
Xəzər Universitetinin Coğrafiya və ətraf mühit departamentinin müdiri, coğrafiya üzrə fəlsəfə doktoru Rövşən Abbasov açıqlamasında bildirib ki, “Xəzərdə suyun azalması sudan istifadə və iqlim dəyişiklikləri, Xəzərə tökülən çay sularının azalması ilə əlaqəlidir.” Qeyd edib ki, “Xəzər dənizinə su gətirən əsas çay Volqa çayıdır və bura suyun 80 faizi Volqa çayı ilə axır. Biz bütün hallarda səviyyə azalmalarına uyğunlaşmalıyıq. Xəzərin səviyyəsində enmə olan ərazilərdə yaşıllıqlar salınmalıdır. Bununla yanaşı, Xəzərə tökülən Kür çayının suyundan istifadə azaldılmalıdır. Bunlar tədricən Xəzərin səviyyəsinin enməsinin qarşısını ala bilər".
https://sputnik.az/20220928/xezer-yeniden-dayazlasir--vdeo-foto-446737325.html