2022-ci il sentyabrın 27-də Xəzər Universitetində Tarix və arxeologiya departamentinin təşkilatçılığı ilə “Vətən şəhidlərinin anım mərasimi” adlı tədbir keçirildi.

Tədbir Azərbaycanın istiqlaliyyəti uğrunda, o cümlədən II Qarabağ müharibəsi zamanı şəhid olmuş vətən övladlarının xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə başlandı. Sonra Xəzər Universitetinin rektoru dosent İradə Xəlilova, Tarix və arxeologiya departamentinin müdiri Dr. Telman Nüsrətoğlu, departamentin müəllimləri Dr. Bayram Quliyev, Dr. Söhrab Mustafayev və universitet tələbələri çıxış etdilər.

Tədbirdə Rus çarlığı dövründə ermənilərin Azərbaycan torpaqlarına köçürülməsi, I Qarabağ müharibəsinin səbəb və nəticələri, 30 illik işğal dövrü, bu dövr ərzində Azərbaycanın mədəni irsinə, ekologiyasına vurulan ziyanlar, qərbin ikili standart siyasəti, 44 günlük vətən müharibəsini şərtləndirən amillər, Türkiyənin rolu, müharibənin Azərbaycan, region və dünya üçün nəticələri ətraflı şəkildə izah edildi.