Xəzər Universitetinin rektoru Dr. Raziyə  İsayeva 2026-cı il noyabrın 12-də Pekində Pekin İnşaat Mühəndisliyi və Memarlıq Universitetinə (Beijing University of Civil Engineering and Architecture – BUCEA) səfər edib.

Səfər çərçivəsində kampusla tanışlıqdan sonra BUCEA-nın vitse-prezidenti professor Chen Zhaohui və universitet nümayəndələri ilə görüş keçirilib. Görüşdə iki universitet arasında akademik əməkdaşlığın inkişaf etdirilməsi, birgə təşəbbüslərin həyata keçirilməsi və gələcək tərəfdaşlığın konkret istiqamətləri müzakirə olunub.

Tərəflər əməkdaşlıq çərçivəsində ilkin fəaliyyət qrafikinin hazırlanması kimi praktiki addımları da nəzərdən keçiriblər.

Görüş zamanı Xəzər Universitetinin “Bir Kəmər, Bir Yol” Memarlıq Universitetlərinin Beynəlxalq Konsorsiumuna (Belt and Road Architectural University International Consortium – BRAUIC) qoşulmaq imkanları da müzakirə olunub.