Xəzər Universiteti və Nailəxanım Təqaüd Fondu tərəfindən 2026- cı il noyabrın 24- ü saat 18:00-da universitetin Mərmər zalında Nailəxanım Təqaüdünün təqdimetmə mərasimi keçiriləcək.

Nailəxanım Təqaüdü magistratura və doktorantura səviyyələrində təhsil alan istedadlı qızların akademik və peşəkar inkişafını dəstəkləyir, eyni zamanda onların təhsilini tam maliyyələşdirməklə qadınların elmi potensialının üzə çıxarılmasına və cəmiyyətdə fəal iştirakına töhfə verir.

Tədbir çərçivəsində Fondun fəaliyyətinə həsr olunmuş qısa film nümayiş etdiriləcək, təqaüdlər təqdim olunacaq və səfirlərin iştirakı ilə "Fürsətdən təsirə: sərhədləri aşan qadın liderliyi" mövzusunda panel müzakirəsi keçiriləcək.