2022-ci il sentyabrın 26-da Xəzər Universitetinin Beynəlxalq əlaqələr ofisinin təşkilatçılığı ilə Türkiyənin Ankara şəhərində yerləşən Qazi Universitetindən Prof. Asuman Aşık ilə görüş keçirildi.
Görüşdə İngilis dili və ədəbiyyatı departamentinin koordinatoru Milana Abbasova, baş müəllimi Firəngiz Nəsirova, assistenti Lalə Misirxanova, Humanitar, təhsil və sosial elmlər fakültəsinin koordinatoru Tərlan Orucova, Keyfiyyət təminatı şöbəsinin assistenti Kəmalə Mustafayeva və Beynəlxalq əlaqələr üzrə koordinator Fatimə Vəliyeva iştirak etdilər.
Qeyd edək ki, Prof. Asuman Aşık Erasmus+ KA 107 İşçi Heyətinin Mobilliyi Mübadilə Proqramı çərçivəsində sentyabrın 26-30-da İngilis dili və ədəbiyyatı departamentində mühazirə oxumaq üçün Xəzər Universitetinə dəvət olunub.