Elm və Təhsil Nazirliyi və Xarici İşlər Nazirliyinin birgə məlumatında bildirilir ki, xarici tələbələrə Azərbaycan Respublikasının ali təhsil müəssisələrində dövlət hesabına təhsil imkanı təqdim edən təhsil qrantı proqramlarına 2022-2023-cü tədris ili üzrə namizəd seçimi prosesi başa çatıb.
Proqramın şərtlərinə əsasən illik əsasda iki istiqamətin (İslam Əməkdaşlıq Təşkilatı və Qoşulmama Hərəkatı ) hər birisi üzrə 20 əcnəbi tələbəyə (beləliklə, hər iki proqram üzrə ümumilikdə 40 nəfər) təhsil qrantının ayrılması nəzərdə tutulur.
Məlumatda qeyd olunur ki, seçilmiş tələbələr əsasən Azərbaycan Tibb Universiteti, ADA Universiteti, Xəzər Universiteti olmaqla Azərbaycanın 11 ali təhsil müəssisəsində təhsil alacaqlar.
AZƏRTAC və digər media vasitələri bu barədə geniş xəbər yayımlamışlar.