2022-ci il sentyabrın 19-da AzEdu.az-a müsahibə verən təhsil eksperti Nabatəli Qulamoğlu qeyd edib ki, “özəl universitetlərin verdiyi təhsilin keyfiyyəti çox aşağıdır. Bu gün ölkəmizdə özəl ali təhsil müəssisələri arasında yalnız Xəzər Universiteti yüksək keyfiyyətli təhsil verməyi bacarır. Digər özəl universitetlərin çoxu isə yalnız oliqarxların əlində cəmlənib. Burada əsas məqsəd təhsil deyil, gəlir əldə etməkdir”.

Ekspert əlavə edib ki, “hər özəl təxsisatın məqsədi müəyyən qədər gəlir qazanmaqdır, amma burada vacib məqamlardan biri gəliri qanuni yolla mənimsəməkdir. Əgər bir iş görülürsə, onun müqabilində gəlir əldə etmək lazımdır. Bunu heç kim qadağan etmir. Amma təhsil pula və gəlirə qurban verilirsə, burada inkişafdan söhbət gedə bilməz”.

Ölkənin özəl universitetlərindən Xəzər Universitetinin öz reytinqinə görə dünya ali təhsil müəssisələri arasında yer tutduğunu bildirən ekspert sonda qeyd edib ki, “dövlət universitetlərində təhsil ödənişsizdir, amma onu da qeyd etmək lazımdır ki, tələbələrin bir çoxu BDU əvəzinə Xəzər Universitetini seçir. Bu da ali məktəbin özünü təqdim etmə mexanizmindən aslıdır”. 

https://azedu.az/az/news/59312-ozel-universitetlerimiz-kadr-hazirlamir-ozlerini-hormetden-salmaqla-mesguldurlar-sert-tenqid