2022-ci il avqustun 31-də 10-dan çox ölkə saytları bu problemlə bağlı analitik müsahibə dərc etmişlər. Sorğu Ekologiya və təbii sərvətlər nazirinin müşaviri Rasim Səttarzadə və Xəzər Universitetinin Coğrafiya və ətraf mühit departamentinin müdiri, su məsələləri üzrə ekspert, “AZƏRSU” ASC yanında Müşahidə Şurasının üzvü Rövşən Abbasova ünvanlanıb.

Geniş müsahibədə onlar qeyd etmişlər ki, Xəzər dənizi qapalı su hövzəsi olduğundan onun səviyyəsində periodik dəyişmələr labüddür. Səviyyənin dəyişməsinin başlıca amili su hövzəsinin iqlimi və Xəzər dənizinə axan çayların suyunun azalmasıdır. Nəzərə çatdırmışlar ki, hazırda milli adaptasiya strategiyası hazırlanır. Bu strategiyanın üç əsas istiqamətindən biri də Xəzər dənizinin sahil zonalarının idarə olunmasıdır. Burada Xəzər dənizinin səviyyəsinin aşağı düşməsinə necə hazırlaşmaq lazım olduğu əksini tapıb. Bu istiqamətdə artıq Ekologiya və Təbii Sərvətlər Nazirliyinin partnyorluğu ilə BMT-nin İnkişaf Proqramı layihə həyata keçirir və xeyli işlər görülüb.

https://baku.ws/gismeteo/160932 və s.