2022-ci il iyunun 26-30-da Erasmus+ ECAR “Azərbaycanda Rektorlar Konfransının yaradılması” layihəsi çərçivəsində Bakı Biznes Universitetinin rəhbərliyi ilə Azərbaycan təhsil işçilərindən ibarət bir qrup Polşada işgüzar səfərdə olmuşdur. Xəzər UniversitetiniTəbiət elmləri və mühəndislik fakültəsinin dekanı Fəxrəndə Əlimərdanova və Humanitar, təhsil və sosial elmlər fakültəsinin dekanı Elza Səmədova təmsil etmişlər.

Səfər iyunun 26-da Varşava Universitetində başlayıb. Universitetin rektoru A.Novak giriş nitqi və təqdimatla, Polşanın Akademik Məktəbləri Rektorları Konfransının (CRASP) vitse-prezidenti, rektor M.Zasada Polşa ali təhsil sisteminin idarə olunması və Polşa təhsil sistemində CRASP-ın rolu haqqında çıxış etmişlər. Sonra CRASP-ın prezidenti, rektor A.Mezyk ali təhsil haqqında qanunda CRASP və CRASP-nin hüquqi forması, Katibliyinin rolu və 2020-2024-cü illər üçün prioritet fəaliyyət istiqamətləri barədə danışıb.

İyunun 27-də konfransın birinci günü təqdim olunan mövzularla bağlı sual-cavab sessiyasından sonra Varşava Universitetinin Muzeyinin direktoru H.Kowalski ziyarətçilər üçün kampusla tanıçlıq turu keçirib.

İyunun 28-də rektor, CRASP-ın vitse-prezidenti M.Zasada və CRASP prezidenti, Avropa Universitetlər Şəbəkələri Qrupunun nümayəndəsi, EUA İdarə Heyətinin üzvü və Milli Elm Şuranın prezidenti professor M.Palys CRASP - Avropa əlaqələrindən danışdılar.

İyunun 29-da tədbir iştirakçıları AGH Elm və Texnologiya Universitetində görüşdülər. Universitetin rektoru J.Lisin giriş nitqindən sonra beynəlxalq əlaqələr üzrə prorektor Rafai Wisniowski AGH-nin Azərbaycanın ali məktəbləri ilə əməkdaşlığı haqqında danışdı. Konfrans təqdim olunan mövzularda müzakirə, kampusla tanışlıq turu və sual-cavab sessiyası ilə davam etdi.

İyunun 30-da konfrans Macarıstan Rektorlar Konfransının hüquq katibi Dr. Orsolya Heuer`in Macarıstan Rektorları Konfransı və onların Macarıstanda ali təhsil müəssisələrinin inkişafındakı rolu haqqında məlumatı və müvafiq müzakirələrlə başa çatdı.