2022-ci il iyulun 1-9-da Almaniyanın Bonn şəhərində İPBES-in (İnternational Panel on Biodiversity and Ecosystem Services) 9-cu plenumu keçirilmişdir.

Plenumda Xəzər Universiteti Coğrafiya və ətraf mühit departamentinin müdiri Rövşən Abbasov iştirak etmişdir.

BMT təşkilatı olan İPBES bu plenumda çoxsaylı vacib qərar və hesabatların qəbulu ilə yadda qalmışdır.

Plenumda Rövşən Abbasov İPBES-in Fənlərarası Ekspert Panelinə (Multidicsiplinary Expert Panel -MEP) ikinci dönəm üçün yenidən üzv seçilmişdir və o bu vəzifədə 2025-ci ilə kimi qalacaq.

Qeyd edək ki, Rövşən Abbasov bu panelə birinci dəfə 2018-ci ildə üzv seçilmişdir. İPBES qaydalarına görə bir nəfər bu paneldə iki dönəmdən artıq təmsil oluna bilməz.

MEP üzvü kimi Rövşən Abbasov İPBES sənədlərinin daxili təftişi, Qiymətləndirmə prosesinin effektivliyinin yoxlanılması, qiymətləndirmə ekspertlərinin seçilməsi kimi vəzifələri həyata keçirir.