Xəzər Universiteti Həyat elmləri departamentinin dosenti Cavid Ocaqi və Baytralıq təbabəti üzrə koordinatoru b.ü.f.d. Ayaz Məmmədov, Sənət və texnologiya yüksək təhsil fakültəsinin magistratura üzrə dekan müavini dosent Məhəmməd Eldarov 2022-ci il iyulun 1-3-də Şəki-Zaqatala regionuna ezamiyyətdə olmuşlar.

Səfərin əsas məqsədi həmin regionda heyvandarlıq sahəsi üzrə fəaliyyət göstərən fermerlər və eyni zamanda istehlakçılar arasında heyvanların rifahı haqqında təsəvvürləri öyrənmək üçün sorğunun aparılması olmuşdur. Tədqiqat işinin digər regionlarda da davam etdirilməsi planlaşdırılır.

Qeyd edək ki, Xəzər Universiteti İsveçin “Baltik dənizi regionunda heyvanların rifahı” adlı layihəsində iştirak edir.