2022-ci il iyunun 29-da Azərbaycan Milli Elmlər Akademiyasında (AMEA) görkəmli alim, Azərbaycan Respublikası Dövlət Mükafatı laureatı, Əməkdar elm xadimi, akademik İbrahim İbrahimovun anadan olmasının 110 illik yubileyinə həsr edilmiş “Riyaziyyat və mexanikanın müasir problemləri” mövzusunda beynəlxalq konfrans keçirilib. Konfrans AMEA Riyaziyyat və Mexanika İnstitutu və Azərbaycan Dövlət Pedaqoji Universitetinin birgə təşkilatçılığı ilə reallaşıb.

Ölkənin geniş elmi ictimaiyyətinin qatıldığı tədbirdə Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı da çıxış edərək, görkəmli alimin Azərbaycan riyaziyyat elminə verdiyi dəyərli töhfələrdən, yüksək insani keyfiyyətlərindən danışıb, onunla bağlı xoş xatirələrini bölüşüb.

AZƏRTAC İnformasiya Agentliyi və digər xəbər portalları konfransın işini geniş işıqlandırıb.

https://azertag.az/xeber/Akademik_Ibrahim_Ibrahimovun_110_illik_yubileyine_hesr_olunan_
beynelxalq_konfrans_kechirilib-2197172

https://azpress.az/index.php?lang=az&sectionid=news&id=123643 və s.