2022-ci il iyunun 13-də sia.az saytında Ayşən Vəlinin bu başlıqlı yazısında yaz və yay aylarında insanların açıq havada istirahət zamanı ətrafı çirkləndirməsi geniş araşdırılaraq, ekoloq, jurnalıst və digərlərinin fikirləri öyrənilmişdir.

Xəzər Universitetinin Coğrafiya və ətraf mühit departamentinin müdiri, “AZƏRSU” ASC-nin yanında İctimai Şuranın üzvü Rövşən Abbasov da sorğunu cavablandıraraq bildirmişdir:

“Piknikdən sonra ərazini zibilli qoyub getmək mədəniyyətsizliyin göstəricisidir. İnsanlar bura istirahət üçün gəlir. Azərbaycanın rayonlarında, kənd yerlərində bərk tullantıların toplanması, yığılması və idarə olunması ağır problem olaraq qalır. Hansı turist məkanına və ya piknik yerinə getsən, orada mütləq zibil tullantılarına rast gəlirsən.

Məsələn, turist məkanlarından biri olan Şəkinin Yuxarı Baş məhəlləsindən yuxarıda çayın aşağısına endikdə zibilliyə rast gəlirsən. Bu çox biabırçı bir vəziyyətdir.

Mən bu yaxınlarda tələbələrlə Zirəyə getmişdim. Zirədə dəniz kənarında plastik torbalar baş alıb gedir. Abreşon Milli Parkında dəniz vasitəsilə çoxlu tullantılar olur. Hər dəfə bunu təmizləsələr də, yenə də bitmir. Buna mütləq rayon səviyyəsində əncam çəkinməlidir. Heç bir kənddə bərk tullantıların yığılması və emalı prosesi yoxdur. Plastik qablarda satılan içkilərin hamısı təbiəti korlayır. Bu məsələlər həll olunmalıdır. Plastik torbaların satışına ya qadağa qoyulmalı, ya da pulla satılmalıdır”.

https://sia.az/az/news/social/961371.html