Xəzər Universitetinin tərəfdaş, Bakı Biznes Universitetinin koordinator olduğu və Avropa Komissiyası tərəfindən maliyyələşdirilən Erasmus+ ECAR “Azərbaycanda Rektorlar Konfransının yaradılması” layihəsi çərçivəsində 2022-ci il mayın 16-20-də “Ali təhsil sisteminin inkişafında rektorlar konfransının rolu” adlı növbəti seminar İsveçin nüfuzlu univeristetlərindən biri olan Kral Texnologiya Universitetində keçirilmişdir.
Rektorlar konfransının yaradılması və ali təhsilin inkişaf etdirilməsi üçün Avropa təcrübəsinin öyrənilməsinə həsr edilən seminarda Azərbaycan Respublikası Təhsil Nazirliyinin nümayəndəsi, 15 Azərbaycan universitetindən rektor və prorektorlar, o cümlədən Xəzər Universitetinin Beynəlxalq əlaqələr üzrə prorektoru Vlad Vernygora və digər rəhbər şəxslər iştirak etmişlər.
Seminarda Avropa Universitetlər Birliyinin Baş katibinin müavini Monika Steinel`in “Sərhədsiz Universitetlər- 2030 - gələcəyə baxış” mövzusunda təqdimatı olmuşdur.