2022-ci il mayın 18-də Beynəlxalq muzeylər günü münasibətilə Humanitar, təhsil və sosial elmlər fakültəsinin tarix müəllimliyi ixtisasının II kurs tələbələri Tarix və arxeologiya departamentinin müəllimi Orxan Zamanovun təşkilatçılığı və rəhbərliyi ilə "Suraxanı" gəmi-muzeyində olublar.
Səfərdə universitetin müəllimləri - tarix elmləri üzrə fəlsəfə doktorları dosent Roza Arazova və Yaqub Məmmədov iştirak etmişlər.
Tələbələr ümumilikdə 10 zaldan ibarət gəmi-muzeyində bələdçinin müşayiəti ilə müxtəlif maraqlı eksponatlar, gəmi maketləri, şəxsi heyətə aid otaqlar, əşyalar, müxtəlif məlumatlar ilə tanış olmuşlar. Gəzinti bələdçi və tələbələr arasında diskussiyya ilə keçmişdir. Tələbələrə Azərbaycanın keçdiyi əzəmətli inkişaf yolunu təsvir edən videoçarx göstərilmişdir.
Muzey səfəri zamanı tələbələr arasında muzey tərəfindən hazırlanan müxtəlif oyunlar keçirilmişdir. Qaliblər xüsusi kubok ilə mükafatlandırılmış, tələbələr gəminin kapitanı ilə də görüşmüşlər.