2022-ci il mayın 14-15-də Xəzər Universitetinin bir qrup əməkdaş və tələbələri Erasmus+ PİCASP layihəsi çərçivəsində Şəki şəhərinə səfərdə oldular.
Səfərdən əvvəl müxtəlif fakültələrdən seçilmiş 11 tələbə Şəki şəhərinin tarixi və mədəniyyəti haqqında nəzəri biliklərə yiyələnmiş və universitetin Tarix və arxeologiya departamentinin müəllimi Bayram Quliyev tərəfindən xüsusi hazırlanmış 7 saatlıq təlim proqramında iştirak etmişlər.
2 günlük Mədəni irs bələdçiliyi proqramı çərçivəsində Şəki xan Sarayı, Yuxarı Karvansaray, Dulusçuluq emalatxanası, Şəkixanovların evi, Yeraltı hamam, Kiş kilsəsinə səfər olmuş və tələbələr universitetin əməkdaşlarına Şəkinin tarixi və mədəniyyəti haqqında məlumat verərək, bələdçilik etmişlər.
Sonda tələbələr bir neçə nominasiyada Qiymətləndirmə Komissiyası tərəfindən mükafatlandırılmışdır.