Xəzər Universitetinin tərəfdaş olduğu Erasmus+ ECAR “Azərbaycanda Rektorlar Konfransının yaradılması” layihəsi çərçivəsində 16-20 may tarixlərini əhatə edən “Ali təhsil sisteminin inkişafında rektorlar konfransının rolu” adlı növbəti seminara start verilmişdir. Rektorlar konfransının yaradılması və ali təhsilin inkişaf etdirilməsi üçün Avropa təcrübəsinin öyrənilməsinə həsr edilən seminara İsveçin nüfuzlu univeristetlərindən biri olan Kral Texnologiya Universiteti ev sahibliyi edir.

Seminarda Azərbaycan Respublikası Təhsil Nazirliyinin nümayəndəsi, 15 Azərbaycan universitetindən 3 rektor, 20 müxtəlif sahələr üzrə prorektor, o cümlədən Xəzər Universitetinin Beynəlxalq əlaqələr üzrə prorektoru Vlad Vernygora və digər rəhbər şəxslər iştirak edirlər.

Bakı Biznes Universitetinin koordinatoru olduğu və Avropa Komissiyası tərəfindən maliyyələşdirilən ECAR layihəsi çərçivəsində keçirilən seminarın növbəti günlərində Avropa Universitetlər Birliyinin Baş katibinin müavini Monika Steinel`in “Sərhədsiz Universitetlər- 2030 gələcəyə baxış” mövzusunda təqdimatı baş tutacaqdır.