2022-ci il mayın 9-da Bakıdakı Landmark otelində Azərbaycan Gənclər Fondunun dəstəyi, “İrəli” İctimai Birliyinin təşkilatçılığı ilə Ümummilli lider Heydər Əliyevin anadan olmasının 99-cu ildönümü ilə əlaqədar tədbirlər planı çərçivəsində "Nə? Harada? Nə zaman?" intellektual turniri keçirilib.
200-ə yaxın gəncin iştirak etdiyi turnirdə 40 komanda birincilik uğrunda mübarizə aparıb. Xəzər Universitetinin “BoomShakaLaka” komandası böyük fərqlə 1-ci yeri tutaraq, yarışmanın qalibi olmuşdur.
Qalib komandanın üzvləri (fotoda ardıcıllıqla):Tamerlan Abdullayev (Təbiət elmləri və mühəndislik fakültəsi, 4-cü kurs, kompüter mühəndisliyi), İsmayıl Adıgözəlov (Humanitar, təhsil və sosial elmlər fakültəsi, 2-ci kurs, regionşünaslıq), Tuqay Abdullazadə (Təbiət elmləri və mühəndislik fakültəsi, 4-cü kurs, kompüter elmləri) və Bəhruz Şabılı (Təbiət elmləri və mühəndislik fakültəsi, 2-ci kurs magistratura tələbəsi, kompüter elmləri).
Qaliblərə şəhadətnamə təqdim olunub.