2022-ci il aprelin 24-də Xəzər Universitetində Coğrafiya və Tarix-coğrafiya ixsitsasları üzrə təhsil alan tələbələr Coğrafiya və ətraf mühit departamentinin təşkilatçılığı ilə Abşeron Milli Parkında olmuşlar. Milli parkda tələbələr Azərbaycanın ən ucqar şərq nöqtəsi və Abşeron yarımadasının ən son yeri olan Şah dilinə yürüş etmişlər.
Bu səfər çərçivəsində onlar həm də Abşeron Milli Parkının rəhbərliyi və buraya səfər edən xarici tədqiqatçılar ilə görüşmüşlər. Görüşlər zamanı Abşeron Milli Parkının yaranma tarixi, burada qorunan landşaft, heyvan və bitki növləri haqqında məlumatlar, Abşeron yarımadasının və Xəzər dənizinin ekoloji problemləri müzakirə olunmuşdur.