Azərbaycan Maarifçilər Assosisasiyasının (AMA) təşəbbüsü və İstanbul Doğuş Universiteti, İstanbul Topkapı Universiteti və Şəhid Fikrət Mətin Öztürk adına orta məktəbin birgə təşkilatçılığı ilə 2022-ci il martın 21-25-də İstanbulda “Eğitimde Yeni Trendler- İstanbul Eğitim Forumu 2022” keçirilmişdir. Forumun məqsədi iki ölkə arasındakı maarifçilərin bir-biri ilə daha yaxından tanış olub tədris prosesi və təhsildəki yenilikləri müzakirə etmələri, fikir və təcrübə mübadiləsi aparmaqları üçün imkan yaratmaq idi. Ölkənin ən böyük təhsil icmasını təmsil edən AMA bu foruma ölkənin bir sıra bölgələrini təmsil edən 48 nəfərlik Azərbaycan maarifçisi ilə qatılmışdı.

Forumun açılışı və ilk günü İstanbul Doğuş Univeristetində keçmiş, ikinci günü iştirakçılar proqrama uyğun Şəhid Fikrət Metin Öztürk adına orta məktəbdə olmuşlar.

Forumun üçüncü günü və bağlanışı İstanbul TopKapı Universitetinde baş tutmuşdur. Azərbaycan nümayəndə heyətindın digərləri ilə yanaşı Xəzər Universiteti “Dünya” Məktəbi və 291 nömrəli Ekologiya Liseyinin müəllimi Səbinə Məmmədova da çıxış edərək, Azərbaycandakı təhsil sistemindən danışmışlar.

Məlumat üçün qeyd edək ki, Azərbaycan Maarifçilər Assosiasiyası 2020-ci ildə bir qrup təhsil işçisinin təşəbbüsü ilə yaranıb. Hazırda AMA-ya ölkənin bütün şəhər və rayonlarından ümumilikdə 5000 nəfərdən çox maarifçi qoşulub.

Forum haqqında azedu.az təhsil portalı geniş məqalə dərc etmişdir:

https://azedu.az/az/news/54034-maarifcilerimiz-beynelxalq-tedbirden-geri-donubler-foto