Xəbər verdiyimiz kimi (https://khazar.org/az/news/5756) Xəzər Universitetinin Coğrafiya və ətraf mühit departamentinin müdiri Rövşən Abbasov İREX (Beynəlxalq Tədqiqat və Mübadilə Şurası) tərəfindən təşkil olunan UASP (Universitet İnzibatçılığına Dəstək Proqramı) programının qalibi olaraq, 1 fevral-1 Mart tarixlərində Florida Dövlət Universitetinin (ABŞ) qonaq professoru kimi fəaliyyətə başlamışdır.

Fevral ayının 10-da Rövşən Abbasov universitetin Akademik Heyət inkişafı və Təkmilləşdirmə üzrə Vitse - prezidenti xanım Janet Kistner və Strategiya və Analitika üzrə Yardımçı Provost, Dr. Rick Burnette ilə görüşmüşdür. Bu görüşlərdə müzakirə olunan əsas məsələlər yeni proqramların yaradılması, keyfiyyət təminatı, qrantlaırn idarə olunması, tədqiqat üzrə fundraisinq, tədqiqatların təşkli və idarə olunması kimi məsələlər müzakirə olunmuşdur. Rövşən Abbasov Xəzər Univeristetinin strükturu və layihə idarəolunması haqqında məlumat vermişdir.