Xəzər Universitetinin Coğrafiya və ətraf mühit departamentinin müdiri Rövşən Abbasov İREX (Beynəlxalq Tədqiqat və Mübadilə Şurası) tərəfindən təşkil olunan UASP (Universitet İnzibatçılığına Dəstək Proqramı) programının qalibi olmuşdur. Proqramın şərtlərinə görə, Rövşən Abbasov 1 fevral-1 Mart tarixlərində Florida Dövlət Universitetinin (ABŞ) qonaq professoru olacaq.

Bu proqram çərçivəsində o, Florida Dövlət Universitetinin əməkdaşları ilə təcrübə mübadiləsi aparacaq, bir neçə təqdimat edəcək. Rövşən Abbasov, həm də, bu universitetdə tədqiqatın idarə olunma mexanizmi barədə məlumatlar toplayacaq.