2021-ci il noyabrın 25-də BMT-nin Azərbaycandakı Miqrasiya Şəbəkəsi quruma üzv olan agentliklərin, beynəlxalq təşkilatların, hökumət, vətəndaş cəmiyyəti nümayəndələrinin, akademik dairələrin və özəl sektorun iştirakı ilə növbəti əlaqələndirmə görüşünü keçirib.

Tədbirin Şəbəkənin həmsədrləri - BMT-nin Azərbaycandakı rezident əlaqələndiricisi Vladanka Andreyeva, BMT-nin Azərbaycan nümayəndəliyinin rəhbəri Vladimir Qyorqiyev və DMX-nın rəisi Vüsal Hüseynov çıxışlarında Şəbəkə daxilində birgə fəaliyyətin vacibliyini vurğulayıblar.

Görüşdə iştirakçılara BMT-nin Azərbaycandakı Miqrasiya Şəbəkəsinin 2021-2025-ci illər üçün İnkişaf Planının nəzərdən keçirilməsi prosesi və mayın 31-də Şəbəkənin katibliyi tərəfindən əvvəlki iclasda üzvlərə təqdim olunmuş tərəfdaşların rəyləri barədə məlumat verilib, digər çıxış və təqdimatlar olmuşdur.

Sonda Şəbəkənin fəaliyyətində iştirak edən və bu quruma maraq göstərən BMT-nin agentlikləri, Avropa İttifaqının nümayəndəliyi, Avropa Şurasına, Almaniya səfirliyinə, Dövlət Miqrasiya Xidmətinə, Diasporla İş üzrə Dövlət Komitəsinə, Ombudsman Aparatına, Əmək və Əhalinin Sosial Müdafiəsi Nazirliyinə, vətəndaş cəmiyyəti təşkilatlarına, Xəzər Universitetinə və BP-nin təmsilçilərinə minnətdarlıq ifadə olunub.

AZƏRTAC tədbir haqqında geniş xəbər yayımlayıb:

https://azertag.az/xeber/BMT_nin_Miqrasiya_uzre_Sebekesi_novbeti_koordinasiya_iclasini_kechirib-1935508