2021-ci il noyabrın 25-də Xəzər Universiteti və BMT Azərbaycan ofisinin təşkilatçılığı ilə tələbələr üçün İqlim dəyişmələrinə həsr olunmuş təlim keçirilmişdir. Təlimdə Azərbaycanda həyata keçirilməyə başlanan Milli Adaptasiya Proqramı barədə məlumat verilmişdir.

Tədbirdə BMT-nin ekspertləri, Ekologiya və Təbii Sərvətlər Nazirliyinin nümayəndələri, Xəzər Universiteti Coğrafiya və ətraf mühit Departamentinin müəllimləri iqlim dəyişmələri haqqında məruzə etmişlər.

Görüşü BMT-nin “Milli Adaptasiya Proqramı” üzrə koordinatoru Zaur Əliyev açmışdır. Sonra Xəzər Universitetinin Coğrafiya və ətraf mühit departamentinin müdiri Dr. Rövşən Abbasov, departamentin müəllimi Rövşən Kərimov, Azərbaycan Respublikası Ekologiya və Təbii Sərvətlər Nazirliyinin Milli Hidrometeorologiya Departamentinin əməkdaşları Ceyhun Həsənov, Əkbər Əsgərov, eləcə də BMT eksperti Elçin Məmmədov iqlim dəyişmələrinin təhlükələri və bu təhlükələrin yumşaldılma istiqamətləri haqqında maraqlı məruzələr etmişlər. Daha sonra tələbələr və ekspertlər arasında canlı müzakirələr olmuş, tələbələrin sualları cavablandırılmışdır. Təlimi yekunlaşdıran Zaur Əliyev bildirmişdir ki, bu cür təlimlər həm Xəzər Universitetində, həm də digər universitetlərdə müntəzəm olaraq keçiriləcək.

Görüşdə təkcə Xəzər Universitetinin deyil, digər universitetlərin tələbələri də iştirak etmişlər.