Xəzər Universitetinin nəşri olan “Azərbaycan Arxeologiyası” jurnalının yeni sayı (cild 24, sayı 1, 2021) çapdan çıxmışdır.

Jurnalın bu sayında Qarabağın qədim abidələri, Gəmiqaya ətrafinda qədim mədəniyyət izləri, Son Tuncdan Erkən Dəmirə keçid dövrünün kurqanları haqqında (Plovdağ nekropollarının materialları əsasında), Orta əsr Şəmkir şəhərinin şirli polixrom keramikasında antropomorf təsvirlər, Qarabağın arxeoloji abidələri (ən qədim dövrlərdən e.ə. VIII əsrə qədər), Düzən Qarabağ Son Neolit dövründə (Kamiltəpə yaşayış yerinin materialları əsasında), Qarabağın daş dövrü maddi mədəni irsi muzey arxeologiyası müstəvisində (Milli Azərbaycan Tarixi Muzeyinin nümunəsində), Kərpiclitəpə keramikasının ornamentləri və Abşeron-Baki yataqlarında erkən paleolit dövrünün izləri mövzularında məqalələr dərc olunmuşdur.

Məqalələrin müəllifləri Azərbaycanın tarixçi və etnoqraf alimləri və mütəxəssisləridir.