22-26 noyabr 2021-ci il tarixində Bakı Biznes Universitetinin koordinatoru olduğu və Xəzər Universitetinin də tərəfdaşı olduğu Erasmus+ ECAR layihəsi çərçivəsində Avropa rektorlar konfransının təcrübələrinin öyrənilməsinə həsr olunmuş 2-ci kompenentinin icrasına başlanılmışdır. Bu mərhələdə əsas məqsəd layihə tərəfdaşı olan Avropa rektorlar konfransının təcrübəsini öyrənməkdir. Bu məqsədlə layihənin tərəfdaşı olan universitetlərin nümayəndələri 22-26 noyabr tarixlərində Fransaya səfər etmişdir. Belə ki, Fransa Rektorlar Konfransı (CPU) və Fransa Beynəlxalq Təhsil Mərkəzi ( FEİ)-nin təşkilatçığı ilə həyata keçirilən bu görüşdə Fransa təhsil sistemi və Fransa rektorlar konfransının Ali təhsildə rolu, Fransa Rektorlar Konfransının təşkilati strukturu, maliyyələşmə mexanizmi, üzvlük qaydaları, strateji məqsədləri, beynəlxalq əlaqələri və CPU-nun digər maraqlı tərəfdaşlarla əməkdaşlığı haqqında iştirakçılara ətraflı məlumat verilməsi planlaşdırılır. Səfərin Sonunda CPU-nun universitetlərlə qarşılıqlı əməkdaşlığının öyrənilməsi məqsədilə Sarbon Universitetinə səfər nəzərdə tutulur.
Bu səfərdə Xəzər Universitetini İnkişaf Mərkəzinin direktoru Raziyə İsayeva və Təbiət elmləri və Mühəndislik fakültəsinin dekanı Fəxrəndə Əlimərdanova təmsil edirlər.