2021-ci il noyabrın 8-də Qazaxıstan paytaxtı Nur-Sultanda Azərbaycanın Zəfər Günü ilə əlaqədar rəsmi qəbul təşkil edilib. Qəbulda diplomatik missiya rəhbərləri və diplomatlar, Senatın üzvləri, ictimai-siyasi xadimlər, Azərbaycan diasporunun nümayəndələri və media mənsubları iştirak ediblər.

Tədbirin bədii hissəsində Xəzər Universitetinin Musiqi və incəsənət departamentinin müdiri, əməkdar müəllim, dosent, pianoçu Zülfiyyə Sadıqova və Azərbaycan Akademik Opera və Balet Teatrının solisti, əməkdar artist İlahə Əfəndiyevanın ifasında Azərbaycan və Avropa bəstəkarlarının əsərləri səsləndirilib.