2021-ci il oktyabrın 12-13-də İstanbulda Türkiyənin Mərmərə Universiteti Türkiyyat Araşdırmalar İnstitutu və Azərbaycanın Xəzər Universitetinin əməkdaşlığı ilə “Qarabağın dünəni, bugünü və sabahı” mövzusunda beynəlxalq konfrans keçirilmişdi. Konfransın davamı 2021-ci il noyabrın 5-də Zəfər Günü ərəfəsində Xəzər Universitetində keçirildi.

Konfrans Xəzər Universitetinin Kamera orkestrının ifası ilə açıldıqdan sonra Tarix və arxeologiya departamentinin müdiri dosent Telman Nusrətoğlu Quliyev giriş sözü söylədi və Türkiyənin Selenge nəşriyyatı tərəfindən çap olunmuş Karabağın Dünü, Bugünü ve Yarını adlı tədqiqat əsərini iştirakçılara təqdim etdi.

Konfransda Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı çıxış etdi. Sonra Mərmərə Universitetindən professor Okan Yeşilot, İlyas Kemaloğlu, Akdeniz Universitetindən Şenol Kantarcı və Xəzər Universitetinin əməkdaşı Afaq Kərimova məruzələrlə çıxış etdilər.